مهم خبرونه

Post Top Ad

Your Ad Spot

Thursday, May 20, 2021

 


د پښتون مبارز عبدالغفار خان (باچا خان) نږور او د خان عبدالولي خان مېرمن او د عوامي نشنل ګوند پخوانۍ مشره بېګم نسيم ولي خان د ۸۵ کلونو په عمر مړه شوې ده.

د نوموړې جنازه یکشنبه مازدیګر شپږ بجې د چارسدې ولي باغ کې وشوه.

مېرمن نسیم ولي خان د یوې مودې لپاره د عوامي نېشنل ګوند د پښتونخوا مشره هم پاتې شوې وه.

مېرمن نسیم ولي په "مور بي بي" مشهوره وه.

د مېرمن نسیم ولي خان د مړینې د خبر تر اعلانېدا وروسته، افغان ولسمشر محمد اشرف غني پخپل غبرګون کې د هغې پر مړینه خپګان ښودلی.

د ولسمشر غني پر ټویټر پاڼه لیکل شوي، "دروند اسفنديار ولي خان، د هغه کورنۍ او فکري ملګرو ته د ځان، دولت او ټولو افغانانو په استازولۍ تسليت وایم او مرحومې ته د الله تعالی په دربار کې د مغفرت او فردوس جنت دعا کوم".

مېرمن نسیم ولي خان د خان عبدالولي خان دویمه مېرمن وه، چې په ۱۹۵۴ کال کې یې واده ورسره کړی و، په ۱۹۷۵ کال یې د پاکستان سیاست ته مخه کړه او په ۱۹۷۷ کال پاکستان کې لومړنۍ ښځه وه چې له خیبر پښتونخوا د پاکستان پارلمان ته بریالۍ شوه.

غبرګونونه

په خیبر پښتونخوا او بهر کې د مېرمن نسیم ولي خان د مړینې په اړه د تسلیت پیغامونه خپاره شوي دي.

د عوامي نېشل ګوند صوبايي مشر ایمل ولي خان ویلي، مېرمن نسیم ولي خان د ټینګې ارادې مېرمن او د اسفندیار ولي خان، اعظم خان هوتي او حیدر خان هوتي سیاسي استاده وه چې مړینه یې د ټول پښتون ټبر لپاره یوه لویه ضایعه ده.

د خیبر پښتونخوا اعلی وزیر محمود خان د نسیم ولي خان پر مړینې غمشریکي ښودلې ده. نوموړی وايي، د هغې له کورنۍ سره په دې غم کې ځان شریک ګڼي.

1 comment:

  1. Scores has been happily supporting on-line gaming in New Jersey since 2017, and in all that time we’ve seen no 바카라 사이트 proof to suspect might be} something dodgy concerning the web site. They have a partnership with Borgata, one of many largest and most trusted casinos in the US. Bingo is huge at Scores, and there’s an entire separate tab dedicated to all of the tournaments. You can join stay games in the event that they} properly with|swimsuit}, or play traditional digital bingo games from the main menu.

    ReplyDelete

Post Top Ad

Your Ad Spot

???????