مهم خبرونه

Post Top Ad

Your Ad Spot

Monday, May 18, 2020

ګډ حکومت – د سرلوڅ مرادزي ليکنه



دا مهال هېواد کې د ګډ حکومت په اړه بېلا بېل نظرونه او وړاندیزونه کیږي چې یو يي هم د ۱۳۹۸ کال د تولټاکنو پر بنسټ د ګډ حکومت طرحه ده چې ټاکنو کې د ولسمشر غني په مشرۍ د دولت ساز ټیم لخوا وړاندې کیږي. همدارنګه د ټاکنو بله ډله د عبدالله په مشرۍ چې ټاکنو کې يي ماته خوړلې د ټاکنو د ماهیت د مسخه او بې اعتبارولو لپاره، ګډ حکومت په یو بل نوم چې دوی يي ټولشموله حکومت نوموي، د افغانستان لپاره کیمیا ګڼي. ځینې نور بیا د پراخ بنسټه حکومت وړاندیز لري او هغه د افغانستان لپاره وړ بولي.
خو خبره تر ډېره بریده د ګډ حکومت، ټولشموله حکومت او پراخ بنسټه حکومت په نومو پورې نه ده تړلې. که پرحکومت د یادو نومونو څخه هر نوم کېږدو، ډېر توپیر نه لري. حقیقت کې د حکومت جوړښت او دندې دي چې په اړه يي طرحې ارزښت پیدا کوي.
دولت ساز ټیم چې ټاکنې يي ګټلي، واک لري چې نوی حکومت جوړ کړي. دا حکومت به د هغو ژمنو د پلیتوب لپاره چې ټاکنو کې يي خلکو سره کړې، جوړیږي. بلخوا حکومت به هغه تګلار او کړنلار چلوي چې وار له مخه يي د حکومت لپاره تدوین کړې. دا ټیم اساسي قانون او ریاستي جمهوري نظام د ځان لپاره سره کرښه ګڼي او پرې د معاملې قانوني واک هم نه لري. د دې ټیم په اند په ټاکنو کې پاتې راغلی ټیمونه یا ډلې او نورې سیاسي ډلې او یا خپلواک سیاستوال چې د دوی د تګلار په پلیتوب کې همکاري کوي، دوی سره په نوي حکومت کې برخه اخیستلی شي او دا ټیم دې ډول حکومت ته ګډ حکومت وایي. ښه بېلګه يي د حنیف اتمر په مشرۍ د حق او عدالت ټیم دی چې له ټاکنو وروسته يي د ولسمشر غني په مشرۍ د دولت ساز ټیم تګلا سره خپله همکاري اعلان کړه.
د عبدالله عبدالله ډله چې ټاکنې يي بایللي، د اساسي قانون له مخې حکومت نه شي جوړولای. دا ډله باید اپوزیسیون ته لاړه شی. دا ډله چې د اساسي قانون خلاف پارلماني نظام او د لومړی وزیر پست غواړي او په داسې بنسټ د حکومت چلولو لپاره جلا تګلار هم لري، د دولت ساز ټیم او نورو سیاسي ډلو او سیاستوالو سره چې هغوی د اساسي قانون ضد داسې تګلار نه لري، په یوه حکومت کې ګډ کار نه شي کولای. د عبدالله ډله اساسي قانون ته د بیرته راتګ او د خپلې تګلار له بدلون پرته، د دولت ساز ټیم او یا د نورو سیاسی ډلو سره چې اساسي قانون او ریاستي نظام ته ژمن دي «ټولشموله حکومت» نه شي جوړولی.
په دې توګه د عبدالله ټیم د «ټولشموله حکومت» وړاندیز غیرې عملي، نامشروع او ناقانونه دی!
عبدالله د «ټولشموله حکومت» بولاله د یوه ریښتیني ګډ حکومت د جوړېدو په مقابله کې غږوي. بلخوا د عبدالله دا ډول سر درګمه«ټولشموله حکومت» د طالبانو د «اسلامي امارت» سره چندان توپیر نه لري. هلته هم اساسي قانون، نظام او د نظام په بشپړتیا کې د افغانانو د تېرو لسیزو زیار او بریاوې بابیزه ګڼل کیږي او د عبدالله په «ټولشموله حکومت» کې هم دغه بریاوو ته په سپکه سترګه کتل کیږي!
د عبدالله «ټولشموله حکومت» د موازي حکومت یوه بڼه ده. کله چې د عبدالله د ناحقې لوړې غونډه کې د نوموړې ډلې موازي حکومت؛ افغانانو او نړیوالو په پراخه کچه وغانده، نو يي د «ټولشموله حکومت» نوم پرې کېښود!
دا مهال تر ټاکنو وروسته، د عبدالله او د هغه د ډلې هر چلند چې دولتي واک کې د ناقانونه ونډې لپاره ترسره کیږي، ګډوډي او بغاوت ګڼل کیږي او مرکزي حکومت قانوني حق لري چې دا ډله تر عدلي او قانوني څار او جزا لاندې ونیسي!
د ۲۰۲۰ کال د اپریل ۶ مه
سرلوڅ مرادزی

1 comment:

  1. Medical News Today has strict sourcing pointers and draws only from peer-reviewed studies, educational analysis institutions, and medical journals and associations. We hyperlink main sources — including studies, scientific references, and statistics — inside each article and in addition list them within the sources section at the bottom of our articles. You can study more about how we guarantee our content material is correct and current by reading our editorial coverage. Those exams will not give a diagnosis and don't exchange a face-to-face analysis with a skilled scientific professional, however they can help people determine 메리트카지노 whether or not to hunt formal analysis of their playing conduct. For someone with a playing addiction, the feeling of playing is equivalent to taking a drug or having a drink. The use of some medicines has been linked to a higher danger of compulsive playing.

    ReplyDelete

Post Top Ad

Your Ad Spot

???????